FAQ

SaJ Val Badia

Plata internet

Sce te n'es nia bun da fá l'azes, pól ester che la E-Mail y le codesc socrët dé dant ne stimenëies nia o che la E-Mail n'é nia ciamó gnüda confermada. Te chësc cajo prëibel ciaré do tles E-Mail sce t'ás ciafé na E-Mail. (Ince ciaré dô tla SPAM). Sënza contaté le Sorvisc ai Jogn Val Badia.

Le codesc socrët po gní recuperé chiló.

Sce al vëgn sö "prëibel controlé i dac" spo n' é i dac dá dant nia dërc. Al pó ester che

  • la data de nasciüda ne stimenëies nia,
  • la strada ne sides nia dada dant dërt,
  • l'inom o le cognom sides falá
  • le numer de telefon dé dant sides massa cört
  • le codesc fiscal dé dant sides massa cört


Al vëgn daidé recordé che le cunt (account) pó ma gní fat da n genitur, en autorisé al educaziun o dal partezipant instëss, sce al á arjunt i 18 agn.

Al pó suzëder che canche an o fá l'iscriziun a na aziun o n proiet, dá le program dant che al é ciamó n post lëde. Sce an mët man da fá l'iscriziun y avisa te chël momënt él valgügn d'atri che mëna demez na iscriziun por le medemo proiet, é chësc plën.
Porchël cunta trés ci che vën dé dant sot al account dô ch'al é gnü fat na iscriziun. Chiló vëgnel dé dant sce le post é confermé o sce an é ruvá sön la lista d'aspeta. Al pó suzeder che al vëgnes ciamó assegné l post t'en secundo mumënt da pert dl'organisaziun sce al é la poscibilité

Sce te n'ás nia ciafé la E-Mail de conferma pól ester che la misciun mail dáda dant ne stimenëies nia o che la "cartella" dles E-Mail sides plëna. Prëibel ince controlé pro les SPAM y Junk E-Mail che la mail ne sides nia ruvada dailó. Scenó contaté le Sorvisc ai Jogn Val Badia tratan i orars d'ufize.

Pro i proiec “Isté deboriada”,  “Cool summer” y “My summer” él tla pröma fasa ma la poscibilité da iscrí le partezipant a döes edemes definitives (tan inant che al é lerch). Pro les atres edemes rovará le partezipant te n pröm momënt sön la lista d’aspeta y ciafará na conferma, tan inant che al é lerch, ai 26-27 d’aurí 2021.

Sce al é pro n program bele gnü arjunt le numer mascim de partezipanc, él la poscibilité da se lascé mëte sön na lista d’aspeta. Chësc vëgn aconsié por podëi eventualmënter reagí y mëter lapró edemes, sce al é poscibl por l’organisaziun.
Sce n partezipant ess da tomé fora, ti gnarál comuniché al pröm dla lista d’aspeta y chësc pó regolarisé l’iscriziun, fajon le paiamënt.

Sce al vën sö "degün curs disponibl", canche an o assegné n'edema a n partezipant, él deache por la classa de scora frecuentada  dada dant dal partezipant n'él nia preodü en curs,  les iscriziuns n'é nia davertes o le curs é bele passé.

Eniade fat en cunt (account) ne vara nia plü da mudé les informaziuns dal genitur/autorisé al'educaziun o dal partezipant, impó él dër important che i unse, sciöche Sorvisc ai Jogn Val Badia, les dërtes informaziuns, dandadöt chëres de contat, sce al éss da suzëder val. Por cambié y/o mëte apost les informaziuns, prëibel cardé sö le Sorvisc ai Jogn tratan i orars d'ufize.

Dô avëi fat l’iscriziun sön la plata internet www.proiec.org vëgnel mené, sön la misciun e-mail dada dant, le cunt cun i dac por le paiamënt.
IMPORTANT: por les iscriziuns fates tla pröma fasa (dai 19 ai 25 d’aurí 2021), gnará le cunt mené ai 28-29 d’aurí 2021.

Le paiamënt mëss gní fat anter 5 dis de calënder do la data dl cunt, scenó vëgn l’iscriziun anulada.
Sce le paiamënt vëgn fat regolarmënter y la prenotaziun é definitiva, vëgnel mené na e-mail de conferma.

Proiec

Por mioré l’integraziun di mituns cun debojëgns particolars, gnarál metü a desposiziun n animadú implü tl grup. Por podëi assiguré n bun acompagnamënt, periunse i geniturs di mituns cun debojëgns particolars da i iscrí anter i 25.04.21.

Sce l’iscriziun vëgn fata do chësta data, ne pó l’acompagnamënt individual nia plü gní garantí.

Al gnará fat n colloquium adöm cun i geniturs, dan le scomenciamënt dl proiet.

Le paiamënt pó ma gní fat sön nosc cunt dla CASSA RAIFFEISEN, don dant la motivaziun indicada sön le cunt!


Sorvisc ai Jogn Val Badia
Cassa Raiffeisen Val Badia - Filiala da San Martin de Tor
IBAN: IT 22 F 08010 58830 000304010353


Do che l’iscriziun é gnüda fata y le contribut é gnü paié ite, n’él por rajuns de organisaziun nia plü meso da anulé l’iscriziun y/o da ciafé zoruch na pert o döt le contribut de partezipaziun. Ma tl caje de maratia gnará le contribut de partezipaziun retü deplëgn, tan inant che al vëgn presenté n zertificat dl dotur.


Tratan la desfirada di programs é i mituns assigurá por responsabilité zivila, dit plü avisa por danns cuntra terc (Haftpflichtversicherung) cina a n import de 5.000.000€. Al n’é nia preodü na assiguraziun sce zacai se fej me (Unfallversicherung). Sce Os Ves dejidrasses chësta assiguraziun, Ves periunse da la stlü jö privatamënter.

Les ativités programades pó mudé cina dan le mëteman, aladô dles mosöres de segurëza scrites dant dala Provinzia o dal Stat.

Sce n’ativité mëss por rajuns dl COVID 19 gní mudada daldöt y ara ne respidlëia en general nia plü a ci che vëgn pité al momënt dl iscriziun, á le partezipant la poscibilité da desdí söa partezipaziun tl momënt ch’al vëgn comuniché le program definitf. Te chësc cajo vëgnel retü le contribut d’iscriziun.

A vigni moda vëgn le contribut d’iscriziun retü sce l’ativité vëgn desdita da pert dl’organisaziun.

Cun l’iscriziun a un di proiec #isté21 se detlarëia le partezipant a öna da tigní ite les normes en cunt dl’igiena y dla sanité, metüdes dant dales autorités competëntes o dl’organisaziun al momënt dl’esecuziun dl’ativité sciöche p.ej. tigní sö le mascherot, tigní ite destanzes, fá n test asvelt o PCR y.i.i.