FAQ

SaJ Val Badia

Plata internet

Sce al vën sö "degün curs disponibl", canche an ô assegné na edema a n partezipant, él deache por la classa frecuentada  dada dant dal partezipant n'él nia preodü en curs,  les iscriziuns n'é nia davertes o le curs é bele passé.

Sce al vëgn sö "prëibel controlé i dac" spo é i dac dá dant nia dërc. Al pó ester che

  • la data de nasciüda ne stimenëies nia,
  • la strada ne sides nia dada dant dërt,
  • l'inom o le cognom sides falá
  • le numer de telefon dé dant sides massa cört
  • le codesc fiscal dé dant sides massa cört


Al vëgn daidé recordé che le cunt (account) pó ma gní fat da n genitur, en autorisé al educaziun o dal partezipant instëss, mo ma sce al á bele arjunt i 18 agn.

Por les iscriziuns fates tla pröma fasa (dai 11 ai 17 de merz 2019), gnará le cunt mené ai 18-19 de merz 2019. Tratan chisc dui dis ne sarál nia la poscibilité da fá na iscriziun. Le paiamënt mëss gní fat anter 3 dis de calënder do la data dl cunt, scenó vëgn chësc anulé. Sce le paiamënt vëgn fat regolarmënter y la prenotaziun é definitiva, vëgnel mené na e-mail de conferma.

Pro i proiec “Isté deboriada”, “Cool summer” y “My summer” él tla pröma fasa ma la poscibilité da scrí ite le partezipant a döes edemes definitives (tan inant che al é lerch). Por les atres edemes rovará le partezipant te n pröm momënt sön la lista d’aspeta y ciafará na conferma, tan inant che al é lerch, ai 18-19 de merz 2019.

Le codesc socrët po gní recuperé chiló.

Eniade fat en cunt (account) ne vara nia plü da mudé les informaziuns dal genitur/autorisé al'educaziun o dal partezipant, impó él dër important che i unse, sciöche Sorvisc ai Jogn Val Badia, les dërtes informaziuns, dandadöt chëres de contat, sce al éss da suzëder val. Por cambié y/o mëte apost les informaziuns cardé sö le Sorvisc ai Jogn tratan i orars d'ufize.

Sce te n' as nia ciafé la E-Mail de conferma pól ester che la E-Mail dáda dant ne stimenëies nia o che la "cartella" dles E-Mail sides plëna. Prëibel ince controllé pro les SPAM y Junk E-Mail che la mail ne sides nia ruvada dailó. Scenó contaté le Sorvisc ai Jogn Val Badia tratan i orars d'ufize.

Sce te n'es nia bun da fá l'azes, pól ester che la E-Mail y le codesc socrët dé dant ne stimenëies nia o che la E-Mail n'é nia ciamó gnüda confermada. Te chësc cajo prëibel ciaré do tles E-Mail sce t'ás ciafé na E-Mail. (Ince ciaré dô tla SPAM). Sënza contaté le Sorvisc ai Jogn Val Badia.

Pro le proiet “Multisport” röia tla pröma fasa (dai 11 ai 17 de merz 2019) düc sön la lista d’aspeta y ciafará na conferma ai 18-19 de merz. Al é la poscibilité da scrí ite le partezipant a öna o döes perts.

Al ti gnará dé la prezedënza a chi che fej dötes döes les perts

Proiec

Do che l’iscriziun é gnüda fata y le contribut é gnü paié ite, n’él por rajuns de organisaziun nia plü meso da anulé l’iscriziun y/o da ciafé zoruch le contribut de partezipaziun. Ma tl caje de maratia gnará le contribut de partezipaziun retü deplëgn, tan inant che al vëgn presenté n zertificat dl dotur.

Tratan la desfirada di programs é i mituns assigurá por responsabilité zivila, dit plü avisa por danns cuntra terc (Haftpflichtversicherung) cina a n import de 5.000.000€. Al n’é nia preodü na assiguraziun sce zacai se fej me (Unfallversicherung). Sce Os Ves dejidrasses chësta assiguraziun, Ves periunse da la stlü jö privatamënter.

Le paiamënt pó ma gní fat sön nosc cunt dla CASSA RAIFFEISEN, don dant la motivaziun indicada sön le cunt!


Sorvisc ai Jogn Val Badia
Cassa Raiffeisen Val Badia - Filiala da San Martin de Tor
IBAN: IT 22 F 08010 58830 000304010353

Por mioré l’integraziun di mituns cun debojëgns particolars, gnarál metü a desposiziun n animadú implü tl grup. Por podëi assiguré n bun acompagnamënt, periunse i geniturs di mituns cun debojëgns particolars da i scrí ite cina ai 17.03.19.

Sce l’iscriziun vëgn fata do chësta data, ne pó l’acompagnamënt individual nia plü gní garantí.

Al gnará fat n colloquium adöm cun i geniturs, dan le scomenciamënt dl proiet.