Bake Off Val Badia

Aste ince tö na pasciun por la conditoria? Spo te aconsiun da fá para a chësc curs, nia ma por imparé da fá de vigni sort de duciaries mo ince por te mëte dedô ala proa por na gara finala. Fora por l'edema te insignun rezetes de basa dla conditoria, tecniches ütles por te daidé te ciasadafüch y te ciafaras val'ispiraziun por te arjigné ca bun al ultim de de nosc curs. Ala fin… arjignete: Al gnará fat na picera gara olache i podarëis porté dant döt ci che i ëis imparé tratan l'edema. Imparé tecniches nöies, memorisé les rezetes, lauré tl grup, ponsé fora strategies mo ince se devertí y mëte pasciun te ci che an fej… chëstes é les cualités che n dër conditur mëss avëi. Fajesse furbi y scomencede belatira da chirí idees y porvé fora! Ala fin garetel dessigü valch de bel y de buniscimo!