Sö y jö, ia y ca, movimënt plü co assá

Te chësta edema podaraste ciaré ite tl monn dl’acrobatica moderna. Al é n sport ponsé por jogn, olache al ó ester ecuiliber, n pü’ de coraje y dantadöt tröpa vëia da s’armöie. I un söl program da trá salc, fá corëtes y la roda. Danterite podaraste ince ciamó porvé fora val’ movimënt de bal modern, che se lascia combiné bun cun chësc sport. I referënc te mostrará ince na tecnica odüda gonot te chësc ciamp: le “handstands”, olache ara se trata da ester bogn da lascé le pëis dl corp sön öna o intrames les mans. I s’alenarun tres i injins de palestra sciöche le trampolin, les cordes y i pëisc che i porvarun ince fora tla natöra. Mo i n’orun nia te dí demassa danfora. Sce t’es gnü corius, spo scriete ite y tol pert a na edema plëna de movimënt y devertimënt.

Important: Pro le proiet “Cool summer” él tla pröma fasa (dai 11 ai 17 de merz 2019) ma la poscibilité da scrí ite le partezipant a döes edemes definitives (tan inant che al é lerch). Por les atres edemes rovará le partezipant te n pröm momënt sön la lista d’aspeta y ciafará na conferma, tan inant che al é lerch, ai 18-19 de merz.