N’edema da ciasarina

Descriziun

Daidé a ciasa pó ester por te val’ iade n pü’ da stufé o monotonn. Bel avisa porchël orunse mëte da jí chësta edema, por te mostré le contrar. Fá la ciasarina tol ite deplü compic desvalis, olache an pó lascé jí la creativité y porvé fora de vigni sort. I ciararun ite te deplü ciamps, insciö ince te ciasadafüch, olache vignun cujina na derzada desvalia. Ince le cují alda pro na ciasarina y porchël te mostrarunse co cují sö n botun, cun i vari plü importanc che alda lapró. Ince al urt messunse ti dediché tëmp y ligrëza, porchël porvarunse deboriada co senté ite indortöra i ciüfs y de vigni sort de erbes te vases che te pos spo tó ca por cujiné. Por to bëgnester y por stlü jö l’edema fajarunse ciamó jafes da n buniscimo tof cun produc naturai. Chisc é ince dër adatá por fá na scincunda. Do chësta edema saraste spo arjignada por te fá instëssa n gröm de bi laurs a ciasa.