Cool Summer SPECIAL EDITION

NEW!!! La situaziun atuala se mët dant a de gran desfides tl'organisaziun di proiec de chësc isté. Por impó orunse mëter tl zënter nüsc jogn y proé a vigni moda da ti pité en isté alternatif olache ai pó passé tëmp deboriada y se devertí, respetan les normes varëntes en cunt dla sanité. Döt adöm en isté n pü "special".

La "SPECIAL EDITION" dess simbolisé en isté en pü atramënter da sciöche i le conesciun, ciaran impó da pité de beles ativités fora por le tëmp da d’isté tignin ite dötes les normes dades dant.

„Cool summer - special edition“ píta chësc isté edemes de aurela cörta, relax y devertimënt por düc i jogn dala 5. classa dla scora elementara ala 2. classa dla scora mesana. Tres le proiet y süa varieté de ofertes, unse ciaré da ti jí adincuntra ai debojëgns y interesc di jogn. Te nostes ativités ne manciarál porchël nia la creativité, le movimënt y le devertimënt tres le grup, che gnará acompagné da personal pedagogich istruí y/o da referënc competënc. Aladô dla normativa passará i jogn le plü tëmp ch'ara vá alaleria te paisc o tles vijinanzes, t'en grup da 10 jogn y dui animadus. Iadi foradecá y spostamënc cun corieres n'él nia la poscibilité da fá.

Punc zentrai te nosc laur cun i jogn é le respet, l’azetanza y la fidënza un cun l’ater che i ciarun da trasmëte por che vignun pois se sté saurí y ciafes süa lerch.

Por i geniturs che scrí ite mituns cun debojëgns particolars (fisics, psichics, soziai o ater), lasciunse alsavëi che al gnará fat na incuntada dan le proiet por imparé a conësce miú le möt y sües esigënzes. Tres chësta incuntada podunse integré al miú le möt y ti dé le sostëgn che al adora. I lasciun alsavëi che i cursc é gnüs adatá ai orars dles corieres (SAD), a na moda che i jogn pois se sposté autonomamënter.

I se confortun da te odëi tosc y da passé cun te n  COOL SUMMER SPECIAL!

INFO PAIAMËNT:
Le cunt gnará mené fora pornanche al é gnü metü adöm i grups y organisé i locai fora por i paisc.

CONDIZIUNS SANITARES
(varëntes atualmënter):
* grups cun cina 10 mituns cun 2 animadus
* i mëmbri d'en grup déss resté i medemi por döta la fasa 
* ativité le plü poscibl alaleria
* iadi foradeca o spostamënc cun coriera o auto n'é nia conzedüs
* i geniturs dess instësc, o en acordanza cun n dotur, valuté sce le möt toma ite tla categoria a risch o manco y tó la dezijiun sce l’ativité te grup é adeguada o sce al ó ester deplü mosöres de segurëza por le möt. I geniturs detlarëia te forma scrita, che la situaziun sanitara dl möt le lascia tó pert ales ativités y comunichëia cambiamënc y peioramënt de sanité dl möt atira al SaJ
* i mituns mëss avëi n mascherot chirurgich o de peza da deplü func.
* tratan l’orar de acompagnamënt mëssel gní respeté les normatives varëntes.
* á le möt sintoms de coies (borjú, tos, mé ai muscui...) mëssel resté a ciasa. Sce le möt á mancé plü co 5 dis, adorel n zertificat dal dotur por podëi indô tó pert al proiet. 
* almëss gní mantigní la distanza de dui metri danter en möt y l’ater. Ne é chësc nia poscibil, mëss le möt se vistí n mascherot.
*sce n möt ciafa borjú o sintoms de coies tratan les ativités, gnaral isolé dal grup y i geniturs messará gní a le do pornanche ara vá. I geniturs dess informé le dotur dl möt y le departimënt de prevenziun SABES.
*sce n möt fej le test COVID-19 mëssel resté a ciasa cina che al á ciafé le resultat. Sce le resultat é negatif, pó le möt indô tó pert ales ativités.
* sce n möt o n familiar che vir cun ël é resulté positif al test COVID-19, ne pó le möt nia tó pert al proiet.
* por sconé nüsc animadus y i partezipanc, garantësc le Sorvisc ai Jogn Val Badia che dötes le mosöres de segurëza revardëntes l’igiena scrites dant tl momënt dl'esecuziun dl proiet, vëgn tignides ite.

Porsona de contat: Verena Obojes (info@jogn.org , 342-8427430)