Sweet dreams

Descriziun

Este n golus o na golosa? Te sál bel da cujiné duciaries o oresseste imparé da les fá? Spo ví a nes daidé arjigné ca de vigni sort de bun patüc.

Tratan le curs arjignarunse de plü desserc, i porvarun fora rezetes interessantes y ala fin sgolosarunse vigni de ci che i un cujiné. I podarun pesé, moscedé, rolené y decoré, cina che al gareta val’ de bun. Te impararas da arjigné desserc a frëit sciöche mousse da ciuchelada, cake pops o tiramisú y d’atres golosaries che te damana plü tëmp. Ala fin dl’edema podaraste te tó para na coleziun de rezetes, de consëis y na bela esperiënza che te sará dër d’öga canche te os ti fá na ligrëza a zacai cun na duciaria.

Scriete ite a chësta edema rica de duciaries!