Le proiet Cool summer pîta chësc isté indô tröpes edemes de aurela cörta, action y relax por düc i jogn dala 5a classa dla scora elementara ala 2a classa dla scora mesana.
Tres le proiet y süa varieté de ofertes, unse ciaré de ti jí adincuntra ai debojëgns y interesc di jogn. Te nostes ativités ne manciarál porchël nia la creativité, le movimënt y le devertimënt tl grup, che gnará acompagné da personal pedagogich istruí y/o da referënc competënc.
Punc zentrai te nosc laur cun i jogn é le respet, l’azetanza y la fidënza un tl ater, che i ciarun da trasmëte por che vignun pois se ste saurí y ciafes süa lerch.
Por i geniturs che scrí ite i mituns cun debojëgns
particolars (fisics, psichics, soziai o ater), lasciunse alsavëi che al gnará
fat na incuntada o telefonada dan le proiet por imparé a conësce miú le möt y sües
esigënzes.
Insciö podunse integré al miú le möt y ti dé le
sostëgn che al adora.
I lasciun alsavëi che i cursc é gnüs adatá ai orars dles corieres (SAD), a na moda che i jogn pois se sposté autonomamënter.
I nes confortun da te odëi tosc y da passé cun te n COOL SUMMER!
Important: Tla pröma fasa d’iscriziun (dai 20 ai 25
d’aurí 2021) él ma la poscibilité da scrí ite le partezipant a döes edemes
definitives (tan inant che al é lerch). Pro les atres edemes rovará le
partezipant te n pröm momënt sön lista
d’aspeta y ciafará na conferma, tan inant che al é lerch, ai 26-27 d’aurí.
Sce al é pro n program bele gnü arjunt le numer mascim de partezipanc, él la
poscibilité da se lascé mëte sön lista d’aspeta. Chësc vëgn aconsié por
podëi eventualmënter reagí y injunté edemes, tan inant che al é poscibl por
l’organisaziun.
Por che l’ativité pois gní fata, mëssel gní arjunt le numer minim de 8
partezipanc.
Iscriziuns a chësc proiet: dal MERTESC 20 d’ aurí dales 20:00
Porsona de contat: Vanessa Obwegs (vanessa@jogn.org , 345 3717729)