Wellness week

Descriziun

Canche i aldiun la parora “wellness” spo ponsunse atira al relassamënt y al bëgnester de nosc corp y belavisa insciö ésera: chëst’edema nes viziunse nos instësc!

I fajun produc de cosmetica naturala por se fá bí y parfomá o por se relassé te vasca da bagn. I adorun materiai naturai sciöche les flus de lavendel y öri eterics, che á carateristiches interessantes y de valüta por le relassamënt.

Dlungia i produc por le corp, arjignarunse ca ince val’ por l’ambiënt. Implü ti dedicunse ince n pü’ de tëmp a eserzizi de relassamënt por ciarié sö nosc corp cun energia. Insciö stlujunse jö l’edema daldöt palsá fora, cun n gröm de produc che i podun tó ca por se la lascé jí buna ince a ciasa.