NEW!!! La situaziun atuala se mët dant a de gran desfides tl'organisaziun di proiec de chësc isté. Por impó orunse mëter tl zënter nüsc mituns y proé a vigni moda da ti pité en isté alternatif olache ai pó passé tëmp deboriada y se devertí, respetan les normes varëntes en cunt dla sanité. Döt adöm en isté n pü "special".
Le “Isté deboriada” é n proiet por i mituns che á
frecuenté tl ann de scora 2019/2020 dala 1° ala 4° classa dla scora elementara.
Tratan l’isté vëgnel metü da jí deplü edemes de proiet fora por düc i paisc dla
Val Badia. Aladô dla normativa passará i mituns le plü tëmp ch'ara vá alaleria te paisc, t'en grup da 7 mituns y dui animadus.
Tles edemes
de proiet ciafa i mituns la poscibilité da passé so tëmp lëde adöm cun sü compagns,
olache ai vëgn acompagná da personal pedagogich istruí, che ti dá la
poscibilité da fá esperiënzes nöies. N gran fin te nosc laur é chël da ti dé
lerch a düc i mituns y sü debojëgns. Tres le grup pó le möt amplié sües
competënzes y se svilupé te süa personalité.
Al ti gnará pité ativités desvalies sciöche por ejëmpl pastelné, de vigni sort de jüc y aventöra tla natöra.
Iadi foradecá y spostamënc cun corieres n'él nia la poscibilité da fá.
Por i geniturs che scrí ite i mituns cun debojëgns
particolars (fisics, psichics, soziai o ater), lasciunse alsavëi che al gnará
fat na incuntada dan le proiet por imparé da conësce miú le möt y sües
esigënzes. Tres chësta incuntada podunse integré al miú le möt y ti dé le
sostëgn che al adora.
Porsona de contat: Manuela Ploner (manuela@jogn.org , 371-4780867)