En edema d’aventöra a Riccione

Descriziun

Ince chësc ann junse sambëgn indô al mer, plü avisa a Riccione. Al se aspeta tröp sorëdl, bun cialt, n bel mer y dantadöt na bela ega buna cialda. I starun suranöt tl camping da Riccione (www.campingriccione.it) olache i un resservé de te’ piceres ciases da sté saurí. I nes cujinarun instësc, porchël é to savëi te ciasadafüch bëgnodü. Tratan chësta edema unse metü jö por te n bel program cun ativités desvalies. I jarun a vijité le zoo y acuare “Oltremare”, conesciü por so spetacul cun i delfins. Mo gnanca l’adrenalina ne pó mancé. Tl parch d’ega “Aquafun” s’aspetel tröpes slisores che te podaras porvé fora adöm cun tü compagns, sciöche ince la velo-zité sön les pistes de go-kart. Mo dantadöt orunse ince se palsé fora y se relassé sön les spones dl mer de Riccione, Rimini y Cattolica. Chësc y ater t’aspetel a Riccione!