Bike & Fun

Descriziun

N’edema cun la roda fora por Südtirol? Chëra foss na idea!Te l’aste ince tö bele n iade ponsé? Spo ví a fá chësta esperiënza cun nos! Mo denanche pié ia orunse te dí döt! Al ne t’aspetará nia ma jí cun la roda.Le pröm de gnarunse condüc cun le pulmin cina a Kaltern. Da dailó inant gnarunse spo vigni de n toch plü daimpró, tres plü y plü cuntra ciasa. Nüsc dis passarunse danter na pedalada bela lisiera y cotan d’ater devertimënt. Dal salté te nodadoia al se devertí te val’ parch, dal jí a s’arpizé al ciaré n film al chino cina al rodé fora por cité zënza ciaré sön l’ora. Porchël araste döt le tëmp che t’os da ”chilln”, sté cun tü compagns y te devertí.Les nöts passarunse te plü Zëntri dla Jonëza, olache i podarun ince se mostré un cun l’ater nosc savëi tl cujiné. Este sëgn plan plan gnü corius? Spo arjignete na buna mountainbike, n elm y ví para.