Action and relax

Tö te ponsaras: “action” y “relax” - döes parores tan atramënter, co po pa chës-tes jí adöm? Nos te lasciarán odëi co. Te pos te conforté a n’edema de aventöra, adrenalina y relassamënt. Al te aspeta danter l’ater la raita alta 18 metri sön Plan de Corones, le trampolin te nodadoia y la Zip Line plü grana d’Europa a Al Plan. Mo do vigni ativité cun tröpa action, ne manciarál sigü nia le tëmp da palsé y se relassé. Salté t’ega o sté a sorëdl do na buna griliada é ma n valgünes poscibilités. Porchël... sce al t’as ion sides l’adrenalina che ince la trancuilité, spo poste tra-tan chëst’edema dessigü passé de bi momënc, che te ne te desmentiaras nia tan saurí. I se confortun da t’odëi.

Important: Pro le proiet “Cool summer” él tla pröma fasa (dai 11 ai 17 de merz 2019) ma la poscibilité da scrí ite le partezipant a döes edemes definitives (tan inant che al é lerch). Por les atres edemes rovará le partezipant te n pröm momënt sön la lista d’aspeta y ciafará na conferma, tan inant che al é lerch, ai 18-19 de merz.