DESDIT - A Fabrics

Descriziun

Val’ iade nes damanunse co che les cosses vëgn fates o tan de laur che al é do ia. Ne te aste mai damané sciöche n per de fabrics ciara fora daite y co che al vëgn lauré? Te nosta vita da vigni de mangiunse o adorunse cosses che é da ciafé te botëga y ne ponsun gonot nia ci laur che al é do ia.

Porchël se unse ponsé da mëte adöm na edema olache i jarun a ti ciaré a fabrics de vigni sort: fabrics che arjigna mangiaria o che prodüj atrezadöres da vigni de. Magari podessel ince ester n aiüt por ponsé a n laur tl dagní.

Ví ma cun nos te chësta edema, ala descurida de fabrics.