DESDIT - Stun bi löcri: Rap ladin

Descriziun

Buum Cha Bum Cha Buum Cha... Te savessel bel da descurí la musiga dl momënt? Te sál bel te lascé jí y ti dé espresciun a tüa usc y a ritms de vigni sort? Spo é chësta edema propi la dërta por te. Te as la poscibilté da scrí na ciantia, mo nia ma chël; te podaras odëi ci stromënc y ci bases che te pos mëte do tüa ciantia ia y co che te pos les ciafé ca. Te aras l’ocajiun da imparé dai mius rappers ladins, te lascé aconsié y mëte jö le hit dl ann. En colaboraziun cun Samuel a.K.a. Rever y Daniel dl grup Ethnic Techniques nes lasciarunse jí te n’edema de scritöra creativa, musiga, espresciun y devertimënt. I stlujarun jö cun n bel conzert, olache te pos ince invié tü compagns a d’ascuté sö tüa ciantia. Ví ince tö a fá para y tolete para n gröm de cualités che te pos dagnora adoré.