Serigrafia: Stampun sön guant

Descriziun

Deureste ince tö sö to armé dal guant y ne sas gonot nia ci te vistí? Aste tröp guant mo döt ciara fora anfat y da stufé? Spo é chësta la dërta edema por te! Tö instës, cun tües idees y tüa creativité, saras chël che proietëia y ti dá corú a to guant; cun tü compagns y cun gran creativité podaraste svilupé n toch de guant y ti dé i corusc che t’ós. I metarun man cun le dessëgn, spo portarunse le dessëgn sön le toch de drap y chësc sará val’ che te restará por dagnora. Implü impararaste co che ara vá da stampé sön le guant y la tecnica por le fá indortöra. Este gnü corius? Spo scriete ite a chëst’edema y ví cun nos a descurí le monn dla serigrafia!