S'la dun bona - n edema sön Börz

Descriziun

Este dagnora ma a ciasa? Spo ví cun nos, deache ince chësc ann te vëgnel pité la poscibilité da passé n’edema intiera tla Ütia de Pütia sön Börz (www.ütiadepütia.com)!

Al pröm post de chëst’edema él le devertimënt! Te ne pos mefo nia t’un avëi impormal sce te te ciafaras na picera (o ince na gran) condla d’ega ados, deache sce le tëmp s’al impormët, gnarál dessigü smolé intoronn. Te chisc cin’ dis gnarál ince fat de vigni sort de beles ativités, sciöche jí cun la e-bike, jí a nodé, jí sö por munt y tröp d’ater... aladô che le tëmp s’al impormët. Ai, ci hez che i se darun pa!

Mangé messunse sambëgn ince, porchël impararaste ince da cujiné. Mo sëgn mësste ciamó n iade te lí le titul de chëst’edema... ara á pö inom "s’la dun bona!"; porchël messunse bëgn ince n pü’ se lascé socodí cun la marëna y la cëna y jí n iade o l’ater a se mangé na pizza o te restorant.