Young Gospel–Choir–Soul: da ciarcé!

Gospel é n stil de musiga che é nasciü dan da tröc agn ti paisc afro-americans. Pro le gospel se tratera de n cor olache al vëgn cianté cianties dër vies y conesciüdes, y olache le movimënt á na gran importanza. Un di punc zentrai é porchël l’ester bogn da sintí le ritm dla melodia tl corp, por s’armöie spo aladô. Te sinteste ince tö trat para dal ritm y dala energia dla musiga gospel moderna? Tratan chisc dis podaraste fá pert de n cor a plü usc, cun doía na band che nes completëia. Ala fin de chësta edema podaraste spo adöm cun to grup mostré i resultac, abelin na Santa Mëssa. Al é veramënter na ocajiun unica: porchël scriete ite y ví a cianté cun nos. Les notes t’aspeta! Let us sing!

Important: Pro le proiet “Cool summer” él tla pröma fasa (dai 11 ai 17 de merz 2019) ma la poscibilité da scrí ite le partezipant a döes edemes definitives (tan inant che al é lerch). Por les atres edemes rovará le partezipant te n pröm momënt sön la lista d’aspeta y ciafará na conferma, tan inant che al é lerch, ai 18-19 de merz.