La ligrëza por le cují

Botuns, fis, aodles y peza sará i materiai che te acompagnará te chëst’edema. Cun l’aiüt dla referënta araste la poscibilité da imparé da conësce tecniches nöies da cují. Te podaras odëi ci che al ó döt cant ester por cherié n toch de guant y ci vari che mëss gní fac cina che al é rové.Al te gnará mostré co adoré l’aodla y sciöche an fej da cují adöm draps scëmpli de de plü corusc y fantasies, cherian insciö val’ de nü. Tües idees é porchël damanades y sambëgn ince na gran vëia da descurí y da porvé fora n ciamp magari nü por te.Al saltará fora dessigü de bi toc de guant, che nia düc n’á te so armé!

Important: Pro le proiet “Cool summer” él tla pröma fasa (dai 11 ai 17 de merz 2019) ma la poscibilité da scrí ite le partezipant a döes edemes definitives (tan inant che al é lerch). Por les atres edemes rovará le partezipant te n pröm momënt sön la lista d’aspeta y ciafará na conferma, tan inant che al é lerch, ai 18-19 de merz.