Mmmmhmm, ci gola!

Descriziun

Sambëgn ne pó gnanca en chësc ann mancé le curs tan conesciü: le curs da cujiné! Tratan chësta edema impararaste ci che al ó döt cant ester te ciasadafüch por cujiné.

Ci ingrediënc adoron pa y a ci mësson pa döt ponsé bele danfora? Adöm cun la referënta podaraste cujiné spëises scëmples da vignidé che te butará ince da tó ca te de plü ocajiuns.

Al n’ó nia ester n gran savëi, mo pasciun y ligrëza te daidará trasformé les rezetes te na spezialité. Deboriada cujinarunse val’ pice antipast sciöche ince na derza-da de cern y sambëgn val’ duciaria. Sce t’as bele fat esperiënzes te chësc ciamp, spo é tües idees y propostes begnodüdes. Fá para pó düc i jogn, sides chi che á bele n iade tut pert al curs, che ince i nüs. A vigni moda podaraste imparé val’ de nü lapró.

Important: Pro le proiet “Cool summer” él tla pröma fasa (dai 11 ai 17 de merz 2019) ma la poscibilité da scrí ite le partezipant a döes edemes definitives (tan inant che al é lerch). Por les atres edemes rovará le partezipant te n pröm momënt sön la lista d’aspeta y ciafará na conferma, tan inant che al é lerch, ai 18-19 de merz.