Aqua splash

”Willy”, nosc minibus dl Sorvisc ai Jogn, é indô arjigné da se mëte söl iade. Olá nes portarál mo chësc isté? Sciöche le titul “Aquasplash” nes dij, orunse se devertí n’edema alalungia cun l’ega. I piarun ia dala Val Badia, por jí spo cuntra Porsenú, olache al nes aspeta na bela nodadoia y tröp devertimënt. Mo nia ma chësc. I passarun chisc dis ince söl lech de Kaltern, por rové spo cinamai tl parch d’aventöra a Caneva söl lech de Garda. Suranöt starunse ti zëntri dla jonëza Juze Kass da Porsenú y Joy a Auer, olache i se cujinarun instësc. Este ince tö n pice pësc, che ne vëiga nia l’ora da se sciuré t’ega? Spo scriete ite, arjignete le sach da polan, le costüm da bagn y ví cun nos. Al t’aspeta n’edema plëna d’aventöra y devertimënt.

Important: Pro le proiet “Cool summer” él tla pröma fasa (dai 11 ai 17 de merz 2019) ma la poscibilité da scrí ite le partezipant a döes edemes definitives (tan inant che al é lerch). Por les atres edemes rovará le partezipant te n pröm momënt sön la lista d’aspeta y ciafará na conferma, tan inant che al é lerch, ai 18-19 de merz.