Cook and have fun

Avisa chësc sará nosc tema dl’edema. Adöm cun te orunse porvé fora cosses nöies te ciasadafüch, che ne sará daldöt nia complicades da fá do a ciasa. T’aras la poscibilité da impare da conësce n gröm de rezetes, produc y tecniches che te fajará descurí le cogo che é te te. Sön nosc menü unse metü de döt, da omelette a hamburger, mo sambëgn ince val’ duciaries che ne pó nia mancé. Tres le cujiné ciararunse da trá ite produc desvalis che nes mostrará tan bel che al é da avëi sön mësa n taí nia ma bun, mo ince rich de corusc. To savëi y tües esperiënzes é bëgnodüdes, mo ince sce t’ós imparé val’ de nü se confortunse da t’odëi. La ciüria da cogo y le ciaz te aspeta!

Important: Pro le proiet “Cool summer” él tla pröma fasa (dai 11 ai 17 de merz 2019) ma la poscibilité da scrí ite le partezipant a döes edemes definitives (tan inant che al é lerch). Por les atres edemes rovará le partezipant te n pröm momënt sön la lista d’aspeta y ciafará na conferma, tan inant che al é lerch, ai 18-19 de merz.