Le monn dl’arjila

Descriziun

Bele nüsc antenac se dê jö cun l’arjila y ê dër apascioná de chësta materia. Ara ti dê la poscibilité da cherié de beles formes y ogec sciöche copes, bocá y taís, che ai podô spo adoré te süa vita da vignidé. Chisc dis orunse ince te lascé fá a te chësta bela esperiënza! Te podaras ciaré ite tl monn dl’arjila, n material che la natöra nes scinca. Al ne ti gnará metü degügn limic a tües idees y fantasies. I pröms dis dl’edema porvarunse fora de vigni sort de tecniches por cherié insciö copes, bocá y ciamó d’atres formes che te plej. Implü t’aspetel i ultims dis dl’edema ince n pice proiet, olache i orun realisé düc adöm n gran cheder cun l’arjila. Ince sce al nes dará da laur, podunse bele sëgn se conforté al bel resultat. Ví ince tö y tol pert a chësta bela esperiënza!

Important: Pro le proiet “Cool summer” él tla pröma fasa (dai 11 ai 17 de merz 2019) ma la poscibilité da scrí ite le partezipant a döes edemes definitives (tan inant che al é lerch). Por les atres edemes rovará le partezipant te n pröm momënt sön la lista d’aspeta y ciafará na conferma, tan inant che al é lerch, ai 18-19 de merz.

Informaziuns

Tl prisc laite: curs y materiai

  Da se tó para: guant nia zite

Informaziuns y program: gnará mene fora plü inant por e-mail

I orars di cursc é gnüs adatá ai orars dles corieres (SAD), a na moda che i jogn pois se sposté autonomamënter.


Por che 5° elementara - 2° mesana

Apuntamënc

Edema 5C
Post Badia, scora elementara
Termo iscriziun desdit
Desponibilité 4 / 12
Can 22/07/2019 - 26/07/2019
Orar 14:00-17:00
Prisc 70.00€
Referënc
Roberto Pallestrong

Plann di apuntamënc Edema 5C

Data Post
Lö, 22/07/2019 14:00 - 17:00 Badia, scora elementara
Mt, 23/07/2019 14:00 - 17:00 Badia, scora elementara
Mc, 24/07/2019 14:00 - 17:00 Badia, scora elementara
Jö, 25/07/2019 14:00 - 17:00 Badia, scora elementara
Vë, 26/07/2019 14:00 - 17:00 Badia, scora elementara