Ciak, si gira!

Descriziun

Aste la pasciun por le rezitaziun? Fejeste ion damat cun tü compagns? Ví a te devertí cun nos!

Co fossera pa sce i te dijess che chësta edema poste ester l’atur de to film preferí, sce i te dijess che te pos ester tl zënter, impé sön na paladina, olache düc te vëiga? Sce te mines che la paladina podess ester le dër post por te, n post olache te pos fá ci che te plej deplü, spo ví ince tö a fá n curs de teater cun nos.

Te chësc curs podaraste te lascé jí sciöche te ne l’as mai ciamó fat denant. Te podaras imparé a conësce jënt nöia y ester al zënter dl’atenziun. Al sará tröp da se la rí, te aras ince la poscibilité da baié de tematiches che te interessëia.

Al te gnará pité la poscibilité da porvé fora y mioré la comunicaziun dla mënt y dl corp. Porchël no te dodé y salta ite cun coraje te chësc monn tan particolar. Ne sté a ponsé sura demassa; adöm a na profescionista poste ince tö deventé n gran atur.

Lights, camera, action!