Party Planner

Sön nosta “to do list” faleste ma plü tö! Sciöche le titul dij, nes dunse jö chëst’edema cun l’organisaziun de na festa. Te ciafaras consëis d’öga y tröpes idees, por che tüa proscima party garetes deplëgn. I arjignarun ca invic, decoraziuns y sambëgn ince na cogora da discoteca, por che te pois spo fá na gran parüda dan tü ghesć. Zënza bëre y mangé ne sará tü amisc nia contënc, porchël cujinarunse ince val’ por la gola y porvarun fora de vigni sort de cocktails por la sëi. I impararun ince da conësce val’ jüc che vá debojëgn por se devertí sön tüa festa y passé n bel tëmp en compagnia. Fá ince tö pert de nosc team di ”Party planners” y te odaras ci beles festes che al gareta.

Important: Pro le proiet “Cool summer” él tla pröma fasa (dai 11 ai 17 de merz 2019) ma la poscibilité da scrí ite le partezipant a döes edemes definitives (tan inant che al é lerch). Por les atres edemes rovará le partezipant te n pröm momënt sön la lista d’aspeta y ciafará na conferma, tan inant che al é lerch, ai 18-19 de merz.