Jí a ciaval tla natöra

Rové a contat cun le ciaval é por tröc nia na cossa da vignidé. Ci ól pa ester por costruí n bun raport cun le ciaval y ciafé fidënza sides te nos instësc co tl tier? Chisc dis te dará la poscibilité da fá chësta esperiënza. Le ciaval é n tier che nes acompagnëia oramai bele da plü co 7.000 agn cun süa forza y orenté. Al á tröpes capazités y é dër sensibl; ara vá da cherié n bun liam de fidënza impara. Ala fin de chisc dis gnarál organisé n percurs a ciaval cun dedô na buna griliada y lotaria, olache ince tü geniturs y düc i interessá é bel inviá da tó pert. Chësta sará na edema por imparé, porvé, s’aventuré, se devertí y sté adöm en compagnia. Döt sön porta dl Parch Natural Fanes-Senes-Braies. Ví cun nos a descurí le monn di ciavai!

Important: Pro le proiet “Cool summer” él tla pröma fasa (dai 11 ai 17 de merz 2019) ma la poscibilité da scrí ite le partezipant a döes edemes definitives (tan inant che al é lerch). Por les atres edemes rovará le partezipant te n pröm momënt sön la lista d’aspeta y ciafará na conferma, tan inant che al é lerch, ai 18-19 de merz.