Roda dl monn culinara

Descriziun

Este stüf da mangé vigni de la medema jüfa? Te sál bel da imparé a conësce cultures nöies? Y cujineste ion?
Co fossera pa spo cun na roda dl monn culinara? I nes lasciarun porté dales saus dl oriënt y i ti jarun do al bun tof dles speziaries tailandejes. I nes scialdarun tla ciasadafüch picanta dl Mexico o ch’i nes godun scëmplamënter n bun taí de pasta dla “bella Italia”. Te chësta edema araste la poscibilité da rodé le monn, esploran vigni de n’atra ciasadafüch tipica cun sües tradiziuns, sües saus y sü tofs particolars. Deboriada arjignarunse ca les mius derzades che vëgn da düc i cinch continënc y i les perfezionarun cun nüsc gusć personai preferis. Porchël: sce t’as la ligrëza da cujiné y t’es davert da porvé fora saus nöies, spo tolete to gormel da ciasadafüch y ví ince tö cun nos a fá na roda dl monn culinara.