Ega, ega, ega

Descriziun

Bun cialt, sorëdl y compagns, ci mancel pa por che ara sides ciamó plü da rí? Belavisa, n pü’ d’ega! Tratan chëst’edema s’un sciampunse fora dla Val Badia, por passé deboriada n’edema plëna d’ega.

Cun nüsc pulmins piunse ia da Picolin demez y rovun cina söinsom la Val Venosta. Ega ciafarunse dailó plü co assá. Al te sá dessigü bel da sté a sorëdl pro la spona de n lech o da fá na roda cun la barca tl lech de Reschen! Na gran hez se fajarunse ince te nodadoia: da trá salc cun le ce dant, da fá na gara da nodé o da fá na bela cartada danter compagns. Da fá rafting porvarunse spo ince fora sce l’ega dl Adesc é bëgn frëida assá. Suranöt starunse tla ciasa “Remise” a Schluderns, na vedla staziun dla ferata, olache al é gnü fat fora n local aposta, por sté suranöt cun grups de jogn. Ma cun ega ne suraviarunse nia di, porchël fajarunse picnich, i cujinarun deboriada te local y i fajarun na buna griliada.

Sciöche t’as capí, él bele nodadoies, lec y rüs che nes aspeta. Oste imparé a conësce n post nü chiló te nosta provinzia, oste te devertí cun l’ega y passé de bi momënc en compagnia? Ví cun nos! I te aspetun!