Hüttengaudi

Descriziun

Un, dui, trëi, viaaa! Ví cun nos a te gode na bela edema plëna de ativité, movimënt y alegria!

Tratan chëst’edema, olache i starun suranöt tla Ütia de Pütia sön Börz (www.ütiadepütia.com), unse metü adöm por te y tü compagns n program rich de ativités che te plajará dessigü. Te podaras fá na bela roda cun la e-bike, te devertí t’ega, jí sö por munt, fá n rait cun i go-kart, jí a ciaré le sorëdl che vá do jö y cinamai ciaré les stëres cun n profescionist. Da sëra, do che i s’un fat na buna cëna, arunse spo ince tëmp da fá jüc deboriada y organisé na bela sëra de film.
Le devertimënt y la buna löna é chëst’edema le plü important por nos! No te lascé sciampé chësta esperiënza y tolete para na gran vëia da passé de beliscimi dis da d’isté.

Ti aste ciafé la gola? Spo scriete ite y ví cun nos te ütia a fá de beles esperiënzes che te ne te desmentiaras nia tan snel!