S.O.S

Descriziun

S.O.S. i adori aiüt! T’aste bele n iade damané che che vëgn a te daidé te situaziuns de emergënza? O aste bele n iade instës adoré aiüt da öna dles uniuns de proteziun zivila?

Tl ultim ann unse düc odü tan important che l’aiüt al proscim é. Chiló da nos él tröpes ëres y tröc ëi che se mët a desposiziun por daidé i atri. Atualmënter él 19.000 porsones che laora te Südtirol - sciöche dependënt o volontar - tl ciamp dla proteziun zivila y dla segurëza. Oste imparé a conësce personalmënter n valgönes de chëstes porsones? N valgönes organisaziuns de nosta valada dauriará les portes por os jogn, por che i podëise ves fá na idea dl’importanza de chësc ciamp. Aladô dl moto: “nia ma ciaré pro, mo porvé”, podaraste fá n gröm de esperiënzes nöies. Oste gní lassura ci fá te situaziuns d’emergënza y de prigo? Co ciaré de te y co daidé i atri?

I porta-aiüt dla Crusc Blancia te mostrará tecniches de pröm aiüt por daidé te situaziuns da vigni de. Dai stödafüch impararaste ci fá te caji de medefüch o de inzidënc. L’Aiüt Alpin te dará consëis sön la segurëza sö por munt.
Ince le sorvisc de socurs t’ega gnará da Bornech ite, por nes mostré sües barches y splighé sü compic.

Sunse stá bugn da descedé to interes por chësta tematica? Scriete ite a chësta edema de proteziun zivila, nos s’la confortun da t’odëi!