Nature Week

Descriziun

Nos düc an la gran fortüna da podëi vire te chësc bel post, amesa les Dolomites. La natöra nes pita de vigne sort de morvëies, che gonot ne odunse nia. Te sal ince a te bel da passé tëmp tla natöra? Dailó ví con nos!

Desche l’ennom dl edema dij, passarunse döt le tëmp poscibl defora amesa nüsc bosc. Adöm ala Ciasa dl Parch natural Fanes-Senes-Braies d’Al Plan unse metü jö en program rich de aventöres: i jarun a osservé i animai, a imparé a cunësce les plantes, les peres y sambëgn ince i tiers che vir te nüsc rüsc. Tö podaras osservé i insec y odëi sciöche ai vir amesa nüsc bosc y pres ite. Le tëmp por fá adöm en valgügn jüc ne mancerá nianca olache i podarun se devertí  y sla gode.

Desche te pos odëi é le program de chësta edema dër desvalí, en mix danter aumenté to savëi, devertimënt, movimënt y creativité. Döt chësc se desmostrerá che la natöra n’è mai da stüfé y tres na gran aventöra. I se confortun da te odëi!