La Ila

Descriziun

L’Isté deboriada é n proiet por i mituns che á frecuenté tl ann de scora 2018/2019 dala 1° ala 4° classa dla scora elementara.

Tratan l’isté vëgnel metü a jí de plü edemes de proiet fora por düc i paisc dla Val Badia. Al ti vëgn pité ai mituns ativités desvalies sciöche por ejëmpl cujiné, pastelné y de vigni sort de jüc. Dl program fej pert ince jites tla y fora dla Val Badia, olache le contat cun la natöra ne manciará nia. Te chëstes edemes de proiet ciafa i mituns la poscibilité da passé so tëmp lëde adöm cun sü compagns, olache ai vëgn acompagná da personal pedagogich istruí, che ti dá la poscibilité da fá esperiënzes nöies. Un de nüsc gran fins é la bona integraziun di mituns, olache vigni debojëgn ciafa süa lerch y süa importanza. Tres le grup pó le möt amplié sües competënzes y se svilupé te süa personalité.

Por ti jí adincuntra ales nezescités di mituns cun debojëgns particolars, lasciunse alsavëi che al gnará fat n colloquium adöm cun i geniturs, dan le scomenciamënt dl proiet.

Important: Pro le proiet “Isté deboriada” él tla pröma fasa (dai 11 ai 17 de merz 2019) ma la poscibilité da scrí ite le partezipant a döes edemes definitives (tan inant che al é lerch). Por les atres edemes rovará le partezipant te n pröm momënt sön la lista d’aspeta y ciafará na conferma, tan inant che al é lerch, ai 18-19 de merz.