My summer

My summer é le proiet da d’isté che ti baia ados a düc i jogn dala 3a classa dla scora mesana ala 2a classa dla scora alta. Ince en chësc ann pitunse ativités y edemes desvalies, por che i jogn ais la poscibilité da passé n bel iste adöm cun sü compagns. I orun ti dé na gran lerch ala creativité, al movimënt y al imparé val’ de nü. N gran fin é che düc i jogn se stais saurí te nüsc proiec, che ai ne sintes nia presciuns da mëssei ester mius co d’atri, mo che ai pois ester insciö desche ai é cun sües capazités y abilités individuales. Te na atmosfera de respet y azetanza, pó le jonn fá esperiënzes ütles y se svilupé te na manira sana. Tratan les edemes de proiet vëgn i partezipanc acompagná da personal pedagogich istruí.

Por i geniturs che scrí ite mituns cun debojëgns particolars (fisics, psichics, soziai o ater), lasciunse alsavëi che al gnará fat na incuntada o telefonada denanche le proiet mëtes man, por imparé a conësce miú le möt y sües esigënzes. Insciö podunse integré al miú le möt y ti dé le sostëgn che al adora. I lasciun alsavëi che i cursc é gnüs adatá ai orars dles corieres (SAD), a na moda che i jogn pois se sposté autonomamënter.

Sce t’as vëia da fá na bela esperiënza, spo scriete snel ite ales edemes de nüsc proiec!

Important:Tla pröma fasa d’iscriziun (dai 8 ai 13 de merz 2022) él ma la poscibilité da scrí ite definitivamënter le partezipant a öna na edema (tan inant che al é lerch). Pro les atres edemes rovará le partezipant te n pröm momënt sön lista d’aspeta (poscibilité da dé dant le degré de priorité); al ciafará spo na conferma, tan inant che al é lerch, ai 14-15 de merz.

Sce al é pro n program bele gnü arjunt le numer mascim de partezipanc, él la poscibilité da se lascé mëte sön la lista d’aspeta. Chësc vëgn aconsié por podëi eventualmënter reagí y injunté edemes, tan inant che al é poscibl por l’organisaziun.

Por che l’ativité pois gní fata, mëssel gní arjunt le numer minim de 8 partezipanc.

Iscriziuns a chësc proiet: dal MERTESC, 8 de merz dales 19:00
Dötes les informaziuns sön l'iscriziun sot a "informaziuns-iscriziun" o tla brosciüra a plata 6!



Porsona de contat: Vanessa Obwegs (vanessa@jogn.org , 345 3717729)