Le
proiet „Isté deboriada“ é n proiet por mituns che á frecuenté tl ann de scora
2020/2021 la 1a, 2a, 3a o 4a classa dla scora elementara. Tratan l’isté vëgnel metü a jí de
plü edemes de proiet fora por düc i paisc dla Val Badia. Te chëstes edemes
ciafa i mituns la poscibilité da fá conescënzes nöies y passé so tëmp lëde adöm
cun mituns de süa eté.
I animadus arjignará ca de vigni sort de ativités, al gnará pastelné, fat jüc,
esperimënc y de piceres jites nia dalunc dal paisc, olache le contat cun la
natöra ne manciará nia. I partezipanc á la poscibilité da fá n gröm
d’esperiënzes nöies, da amplié sües competënzes y se svilupé te süa
personalité. N fin important te nosc laur é chël de ti lascé lerch a düc i
mituns cun sü interesc y debojëgns.
Por i geniturs che scrí ite mituns cun debojëgns particolars (fisics, psichics, soziai o d’ater), lasciunse alsavëi che al gnará fat na incuntada o telefonada dan le proiet, por imparé a conësce miú le möt. Insciö podunse le integré al miú y ti dé le sostëgn che al adora.
Important: Tla
pröma fasa d’iscriziun (dai 19 ai 25 d’aurí 2021) él ma la poscibilité da scrí
ite le partezipant a döes edemes definitives (tan inant che al é lerch). Pro
les atres edemes rovará le partezipant te n pröm momënt sön lista d’aspeta y
ciafará na conferma, tan inant che al é lerch, ai 26-27 d’aurí.
Sce al é pro n program bele gnü arjunt le numer mascim de partezipanc, él la
poscibilité da se lascé mëte sön la lista d’aspeta. Chësc vëgn aconsié por
podëi eventualmënter reagí y injunté edemes, tan inant che al é poscibl por
l’organisaziun.
Les ativités programades pó mudé cina dan le mëteman, aladô dles mosöres de segurëza scrites dant dala Provinzia o dal Stat.
Sce
n’ativité mëss por rajuns dl COVID-19 gní mudada daldöt y ara ne respidlëia en
general nia plü ci che vëgn pité al momënt dl’iscriziun, á le partezipant la
poscibilité da desdí süa partezipaziun tl momënt ch’al vëgn comuniché le
program definitif. Te chësc caje vëgnel retü le contribut d’iscriziun.
A vigni moda vëgn le contribut d’iscriziun retü sce l’ativité vëgn desdita da
pert dl’organisaziun.
Cun l’iscriziun a un di proiec #isté21 se detlarëia le partezipant a öna da
tigní ite les normes en cunt dl’igiena y dla sanité, metüdes dant dales
autorités competëntes o dal’organisaziun al momënt dl’esecuziun dl’ativité,
sciöche p.ej. tigní sö le mascherot, tigní ite destanzes, fá n test asvelt o
PCR y.i.i.
Por che l’ativité pois gní fata, mëssel gní arjunt le numer minim de 8 partezipanc.
Iscriziuns a chësc proiet: dal LÖNESC, 19 d’ aurí dales 20:00
Porsona de contat: Carolina Lezuo (info@jogn.org , 0474 52 30 70)